الفرق بين مهند وشباب الخليج :D

هاى

يايبتلكم اليوم موضوع قريته وضحكنى وايد

فقلت ادزه لكم


في الحقيقه والواقع .. المقارنه ثقيله على جبد الشباب .. بس هذا شي ( لابد ) ان يكون .. عشان شبابنا المحترمين .. دايما كانو يقارنون بنات الخليج بـ هيفا ونانسي و رولا وغولا وغوريلا .. لكن يه الوقت اللي لازم يشوفون الحقيقه بعيونهم الاربع


- مهند -يرجع من الدوام في الشركة .. يروح لـ نور .. يبوس راسها .. وبحنان يحضنها .. اللله يا حلاتهم عصافير الجنة .. يقولها :


( وحشتيني .. مابـقدر اتحمل بُعدك عني ! بكفــي 8 ساعات بالشركة ما بشوووفـك ..! )

- شباب الخليج -يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولاكلام .. يفصخ هدومه ويحذفهم على السرير او على الشماعة .. ويطول على المكيف ويقول لزوجته :


( بسرعه حطي الغدا ميت يووع .. المدير ذبحني بالشغل الله ياخذه ! بسررعه حطي الغدا ما تشوفيني تعبان وابي اكل وانام ؟؟ )



- مهند -نور حامل .. يا الله على الدلع ! خايف عليها من نسمة الهوا .. ويقولها :


( كلّي حبيبتي مشانك ومشان ابننا ! وديري بالك على صحتك .. وما تزعليابـــداً مشان البيبي ما يزعل منــــووووب )

- شباب الخليج -مرت الخليجي حامل ! ومسكينه المره متنسيه بـ تفاح اخضر .. عاد يقولها :


( اووووف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )

.
.


- مهند -مهند طالع مع نور السوق .. يشترون لهم هدوم .. ودار الحوار التالي :نور : حبيبي .. شو رايك بالفستان الاحمر .. حلو مو ؟!مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !نور ( مستحيه ) : بحبـــــــــــك .. دخيلك منين جايب كل هالغزل هااد ؟مهند : دخيلكانتي ! تؤبرنـــي ابتسامتييك شو حلوه !

- شباب الخليج -الخليجي طالع معه زوجته السوق .. ما دار بينهم حوار .. ليش ؟!لان اهو يمشي جدام .. وهي وراه تركض ..وكل اللي قاله ( بسرعه خلصي .. ابي ألحق على ديوانية الربع ) !

.
.


- مهند -قام من النوم نص الليل .. ما شاف زوجته يمه .. جان يخاف .. راح يدورهاويحاتيها .. ويوم لقاها رايحه تشرب ماي بالمطبخ .. قال لها


( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )

- شباب الخليج -قام من النوم نصالليل .. ما شاف زوجته يمه .. فتح الليتات .. قام يصارخ :


( فطوووووم ويهـــــــد .. فطوووم وطاعون .. فطوم وايدز .. فطووووم كنسر ان شاء الله .. وينج انتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )

.
.


- مهند -قاعد يقرا كتاب .. وفجاه ياته نور .. لابسه فستان يديد .. وصارهالحوار ..نور : حبيبي شو رايك بالفستان الجديد ؟!مهند : بيجننعليكي ! اخذ من جمالك قطعـــه ..

- شباب الخليج -قاعد يطالع مباراه ريال مدريد وبرشلونه .. خو شبابنا مو مال كتب وثقافه ! و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :الخليجي : قوووومي قامت ركبّج وما اقعدت ! ما تشوفيني اطالع المباراه ؟!الزوجه : حبيبي شفيك .. كنت ابيك تشوف فستاني اليديد .. شرايك ؟!الخليجي : وجذي تخربين علي المباراه .. ما شفت حركة رونالدينهو الحين طافتني كله منج !الزوجه : انزين عااد .. شرايك بالفستان؟!الخليجي : شالموضة الخايسه اللي طالعين فيها انتو يالبنات ؟! هذا فستان بذمتج؟! لو لابسه خيشة البصل وايد احلى .. مخصره خيشة البصل ما تفرق !!

.
.


طبعا الفروق لو بقعد من الصبح للحين .. ما بخلص ..لان 180 درجه فرق .. بس شنسوي .. الله كاتب لنا ان نجابل شبابنا ونحتسب الاجر عند الله ..هههه