لا تعليـــقـ :D

عدد الرسائل : 112 تاريخ التسجيل : 21/07/2008

البنت دايماً اتفكر بفارس أحلامها اييها بطريج الصدفة .. أو بعد موقف

مثلاً : وهي بالبحر وتغرق، ايي اهو وينقذها...

أو وهي تمشي بالشارع ايي يدعمها..
المهم
..
..في يوم من الأيام كان الناس بشهر رمضان .. طلبت منها أمها تاخذ
صحن ( اللقيمات ) للجيران .. وكان شتا .. والجو بارد ومطر
..
فلبست البنت فروة ابوها .. ودلاغ شتوي لونين كحلي والفردة الثانية بني .. وشال أمها.. المهم أنواع العفسة
وطلعت بالصحن .. والا سيارة ياية طااااااااايرة لانه بيأذن المغرب
..

وتدعمها
..

ويطير صحن اللقيمات
..

ونزل صاحب السيارة
..

والا شاب وسيم وطويل
يه بشوف شنو صار للبنت
..

لقاها منكسرة ريلها وخاف عليها
..
أما اهي ما حست بشيء
بس تطالع فيه
وتتبسم في ويهه
لأن
حلمها اتحقق
ويه فارس أحلامها مثل ما تبي

المهم

اتصل الشاب الوسيم بأخوها وودوها المستشفى يجبسون رجلها

وخلص رمضان
..
والبنت تنطر الفارس يطق الباب يخطبها
ويه العيد
..
وبعد أيام
..

رن التلفون .. ورد أخوها .. وقال

وعليكم السلام ورحمة الله وبركاته

إي نعم
حياك الله

بخير ولله الحمد
..

..

وطاار قلب البنت لما شافته مبتسم
وسمعته يقول

ريلها في تحسن ولله الحمد

جزاك الله خير
مع السلامة
..

وبعدها
..
..
..
(مااااات أخوها من الضحك )
..

سألته الأم
منو داق ؟
..
وليش كل هالضحك ؟
..

البنت تنتظر الجواب على أحرررر من الجمر..
..
..
قال

هذا اللي دعم اختي
كان يســـــــــــــأل
..

..

عسى خدامتكم طابت بعد الحادث؟؟؟

lol!

مسكينه البنت عبالها داق يخطبها .. ههههههههههه