سوالف البنات في الطابور
البداية مع التفتيش
ليش مريول[ موديله جنه فستان عرس ؟ أبله هذا ستايلي ..
ليش حاطة عدسات زرق ؟ أبلة عيوني هاذي.. امي اوروبية .
ليش كل هذا الكحل ؟ أبلة عيوني كحلية طبيعيا .. .
ليش المناكير ؟ أبلة هذا حنة سوداني مو مناكير .
ليش ما ترددين تحية العلم ؟ أبلة حلجي و بلاعيمي يعوروني . >> ههههه ومن الجهة الثانية صوتها و سوالفها واصل لآخر صف ...
ليش تسولفين بدل ما تستفيدين من الإذاعة ؟ أبلة مو انا بس كل الصف ..بعدين الإذاعة مكررة هي وفقرة سخيفه
ليش كل هذا المكياج ؟ أبلة امس كان عرس ولد عمي للفير .ومالقيت وقت عشان أشيله ....!!
و طبعا في بنت رقيقة اتصيح .. وفي بنت دفشة باجر اتييب القبيلة كلها تشتكي .هههههههههههههه
وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.
نمر للبنات اللي مبققات عيونهم على الأبلوات ...
وين أبله سيتوبلازم ؟مواقفة جنب العمود أكيد غايبة اوكي الحصة الأولى فاضيين . يا سلااااااام
وين أبله'قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي...
وين أبله الحجم العائلي ؟ اوف بعد يايه .. لا وتشوف علي بعد شافها ملك الموت ' عزرائيل ' اليوم قولو آمين
شوفوا أبله عطيات تنورتها تحفة .. خيالية.. آخر موضة .....من وين شاريتها ؟
عاد أبله دراكولا مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .
والحين قبل لا نخلص نشوف سوالف الدلوعات
أمس رحت عرس ييراننا لبست فستاني اليديد الكشخة التركواز والاكسسوارات اللي توني شاريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي جني انا العروسة .
تدرين مع من سولفت أمس بالجات ؟مع لبناني وحاط صورته يمة يذوب ... شعر اشقر و عيون خضرا .
ونخلص بالبنات اللي اختصاصهم الحش
شفتي فلانة امس فاتحة شعرها جنه خرطوم حريق.
ولا علانة اللي كانت عايشة في ماليزيا اليوم يايبه قميص صوف والحرارة 40 درجة غبية وحدة .
ولا مجموعة شغالات الصف ' هذيلا اللي يلمون الدفاتر و يييبون المسجل أو اللوحة للأبلة ' الصبح لقيتهم ينظفو السبورة .. والله ينرحمون .
و اخر شي تيي الأبلة قلم ماشي و تقول : وين انتوا في سوق السمج ؟
الرئيسية 
التسجيل 
دخول 
الخميس يوليو 31, 2008 9:56 pm